سماجی رابطوں کی مشہور ویب سائٹ فیس بک ایک بار پھر نشانے پر

  ذرائع کے مطابق فیس بک کے پچاس کروڑ صارفین کی ذاتی معلومات ہیک ہوگئی

اس خبر نے دنیا بھر میں موجود فیس بک کے صارفین کو تشویش میں مبتلا کر دیا ہےتازہ ترین خبروں کے مطابق سکیورٹی ماہرین کا کہنا ہے کہ جو معلومات ہیک ہوئی ہیں ان میں سے فون نمبرز، نام، گھر کے پتے، ای میل ایڈریس اور اس طرح کی اور  ذاتی معلومات شامل ہے 

 ہیکرز کے بارے میں اب تک کچھ پتہ نہیں چل سکا

 فیس بک ترجمان اس بارے میں تفصیلات فراہم کرنے میں ہچکچاہٹ کا سامنا کر رہے ہیں

 فیسبک ترجمان کے مطابق لوگوں کی ای میل ایڈریس کا ڈیٹا ضرور چوری ہوا ہے مگر یہ واقعہ 2019 میں ہوا تھا

ترجمان کا مزید کہنا ہے کہ اس وقت صارفین کا تمام ذاتی ڈیٹا محفوظ حالت میں فیس بک کے پاس موجود ہے اور اس میں گھبرانے کی کوئی بات نہیں ہے

اس خبر نے جہاں دنیا بھر میں ہلچل مچا دی ہے وہیں پر صارفین کو اس بات پر بھی مجبور کر دیا ہے کہ وہ اپنی ذاتی معلومات کی حفاظت خود کریں